മാസ്ക്ഡ് ആധാർ

 

     എന്താണ് മാസ്ക്ഡ് ആധാർ?

ആധാർ നമ്പറുകൾ കൂടുതൽ സുരക്ഷിതമാക്കാൻ, UIDAI 'മാസ്‌ക്ഡ് ആധാർ ഐഡി' എന്ന ഓപ്ഷൻ വാഗ്ദാനം ചെയ്യുന്നു. Masked ആധാർ നിങ്ങളുടെ ആധാർ നമ്പറിൻ്റെ ആദ്യ എട്ട് അക്കങ്ങൾ മറച്ച് അവസാന നാല് അക്കങ്ങൾ  മാത്രം വെളിപ്പെടുത്തുന്നു.

മാസ്‌ക്ഡ് ആധാറും സാധാരണ ആധാറും തമ്മിലുള്ള ഒരേയൊരു പ്രധാന വ്യത്യാസം. മാസ്ക് ചെയ്ത ആധാറിൽ നിങ്ങളുടെ ആധാറിൻ്റെ അവസാന 4 അക്കങ്ങൾ മാത്രമേ കാണാനാകൂ, ഒരു സാധാരണ ആധാർ നിങ്ങളുടെ പൂർണ്ണമായ 12 അക്ക ആധാർ നമ്പർ കാണാൻ സാധിക്കും.

 

സമീപ വർഷങ്ങളിൽ ആധാർ അടിസ്ഥാനമാക്കിയുള്ള വായ്പകൾ എടുക്കുന്നത്  പലമടങ്ങ് വർദ്ധിച്ചു. ബാങ്ക് സന്ദർശിക്കാതെ തന്നെ തൽക്ഷണ വായ്പകൾ ലഭിക്കുന്നതിന് ഇ-കെവൈസി അല്ലെങ്കിൽ ആധാർ അടിസ്ഥാനമാക്കിയുള്ള കെവൈസിയിൽ സാധാരണക്കാരൻ വളരെ സന്തുഷ്ടനായിരുന്നു. എന്നാൽ ഈ സംവിധാനവും ദുരുപയോഗം ചെയ്യാൻ തുടങ്ങിയിട്ടുണ്ട് . ആധാർ കാർഡ് ഉടമ അറിയാതെ ആധാറിൻ്റെ അടിസ്ഥാനത്തിൽ വൻതോതിൽ വായ്പ എടുത്തിട്ടുണ്ട്.

ഓരോ ഇന്ത്യക്കാരനും സവിശേഷമായ ഐഡൻ്റിഫിക്കേഷൻ എന്ന നിലയിലാണ് ആധാർ നമ്പർ അവതരിപ്പിച്ചതെങ്കിലും, ആധാർ ഡാറ്റ ഉപയോഗിച്ച് സൈബർ തട്ടിപ്പുകളും മറ്റ് സാമ്പത്തിക കുറ്റകൃത്യങ്ങളും നടക്കുന്ന സാഹചര്യത്തിൽ. ഈ പ്രശ്‌നത്തെക്കുറിച്ച് സർക്കാർ മനസ്സിലാക്കുകയും അതിനുള്ള പരിഹാരം എന്നുള്ള രീതിയിലാണ് masked ആധാർ ഫ്രീ ആയി ഡൗൺലോഡ് ചെയ്യാനുള്ള സൗകര്യം UIDAI സൈറ്റിൽ നിന്ന് ലഭിക്കുന്നത്.

                       ബാങ്ക് അക്കൗണ്ട് തുറക്കൽ, ലോൺ അപേക്ഷ, വാഹനമോ വസ്തുവോ വാങ്ങുന്നതിനുള്ള ഐഡൻ്റിറ്റി പ്രൂഫ് എന്നിവയക്ക് തെളിവിനായി മാസ്‌ക്ഡ് ആധാർ ഉപയോഗിക്കാം. സർക്കാർ ആനുകൂല്യങ്ങൾക്കും പദ്ധതികൾക്കും മാത്രമേ പൂർണമായ ആധാർ നമ്പർ നൽകേണ്ടതുള്ളൂ.

യാത്രാവേളയിൽ ഐഡൻ്റിറ്റി പ്രൂഫ് കാണിക്കാൻ കൂടെ കൊണ്ടുപോകാനുള്ള നല്ലൊരു ഓപ്ഷനാണ് മാസ്ക്ഡ് ആധാർ.

മാസ്‌ക്ഡ് ആധാർ UIDAI അംഗീകരിച്ചതും ഒപ്പിട്ടതുമാണ്, അതിനാൽ ഇത് വിലാസ തെളിവായി ഉപയോഗിക്കാം.

മാസ്‌ക്ഡ് ആധാർ നിങ്ങളുടെ പൂർണ്ണമായ ആധാർ നമ്പർ വെളിപ്പെടുത്താത്തതിനാൽ, ഐഡൻ്റിറ്റി മോഷണവും സൈബർ തട്ടിപ്പും തടയാൻ ഇത് സഹായിക്കും.